نصائح للتنظيف والحفاظ علي اواني التيفال

قبل الإستعمال لأول مرة 


اول مرة بس تمسحيها بقطنة بزيت ودى تعليمات الشركة
بعد كده تستخدمى معاها المغارف التيفال او البلاستيك والخشب
متقربيش منها اى اداه حاده زى السكينة او معالق او معالق غرف استنلس او اى حاجه
اما تيجي تغسليها اغسليها بالجهه الناعمه من السفنجه وطبعا متستخدميش السلك خالص لا ناعم ولا خشن في تنضيفها

نصيحة أمي بتنصحني بها هو إني بخلي المقلاة في وعاء من ماء دافي وصابون قبل التنظيف ويسهل التنظيف من غير جهد كبير
ادوات الغرف التيفال او بلاستيك وبيكون لونها اسود


كمان احسن حاجه تعملي فيها الرز والمكرونة وممكن تعملي فيها باقي الاكل
بس الافضل تستخدمى الاستنلس في عمل جميع انواع الاكل وتخلى التيفال للرز والمكرونة لانه لو اتقشر بيبقى مش صحى خالص والاستنلس طبعا اصح حاجه

كمان مش تعلى عليها النار جامد اوى عشان لما بتتحرق بتبوظ.

ولو بقت مدهننه خالص يبقي النقع ف يمية سخنة مع الكلور بس مية سخنة مغليييييييييييييية حتبقى فل