قالوا لنا زمان ازرع تحصد

قالوا لنا زمان ازرع تحصد 
ومازلات فى اذهاننا منذ كنا صغارا والآن عزيزتى الأم لماذا لا تزرعين لكى تحصدى ...؟
ارزع ماذا وأحصد ماذا ...؟
واحدة واحدة مع بعض اللى عايز يزرع و يكون الزرع بتاعه جميل ومزدهر و عند الحصاد يفرح به طب هو مش عشان يفرح بالزرع ويجنى زرع جميل بيكون من يوم وليلة بيحط البذرة وبيسبها تكبر لوحدها ولا عشان يجنى ويحصد ثمار جميلة لازم يتعب ويسقى وكل شوية يطمن ليكون المياه كتيرة ولا قليلة ويصبر ايام وليالى ووقت الحصاد وجنى الثمار يظهر مدى تعبه وصبره لكى يحصد هذه الثمار الجميلة ...
هذا المزراع هو انتى والبذرة هم اطفالك عايزة تجنى وتحصدى منهم ثمارا تنفع الناس وقبلها تنفعهم عايزة تفرحى بيهم اكيد مش هتسبيهم لاصحابهم والتليفزيون يبربيهم اكيد انتى لازم ترزعى وعشان تزرعى عايزة صبر ومش اى صبر ده صبر من نوع تانى خالص صبر كل ثانية فيه لو احتسبتيها عند ربنا هتفضل تكبر فى ميزان حسناتك عند ربك ثمرة ولادك كل ما تكبر انتى بتكونى سبب فيها لو غلطتى فى تربيتهم تعالى نحاول نبدأ من جديد خطوة خطوة امسكى ورقة وقلم شوفى عايزة تغيرى ايه فى طفلك وحاولى تغيريه شوفى نفسك ابنك يكون ايه وساعديه اصبرى واحتسبى اجرك عند ربنا.
عشان تحصدى ثمار حلوة تفرحى بيها لازم تزرعى صح وما بين الزرع والحصاد هناك صبر و عزيمة و تحمل مشقة احتسبى كل هذا عند ربنا ...