نظيف الانتريه على الجاف

نظيف الانتريه على الجاف 
انا كنت جربت وصفة حلوة وهيه انك تجيبي مسحوق الاتوماتيك للألوان وتضيفي عليه شوية خل وشوية صغيرة بيكربونات وماء دافئ وممكن شوية كلوركس الوان وتخلطيهم مع بعض لغاية لما تعملرغاوي وتجيبي سفنجة او ليفة تدخليها في الخليط وتعصريها او تاخدي الرغاوي بس وتمسحي بيها الانتريه وبعد كده تجيبي حته نظيفة وتبليها بماء فقط وتمسحي بيها وتسيبيه ينشف هتلاقي الانتريه بقى نظيف

وفي طريقة تانيه ممكن تجربيها
هنحتاج :

1- مكنسه كهربائيه ( و بييجي معاها وش صغير كده يا ريت لو يبقى عندك هيبقى اسهل )
2- سائل غسيل الصحون ( اي نوع عندك )
3- ماء دافيء في حله صغيره او كروانه صغيره
4- خلاط كهربائي
5- عدد 2 قماشه خشنه نضيفه جافه
6- فرشاه ناعمه ( في حالة وجود بقع)
7- معلقه كبيره او اي حاجه تكحتي بيها
هنعمل ايه بقى

اولا هنجيب المكنسه الكهربائيه و نكنس الكنب و لو فيه خداديات نشيلها او مساند نشيلها و نكنس كويس تحتهم و في الزوايا




ثانيا نضيف شويه من سائل غسيل الصحون على الماء الدافىء و بعدها نخلطهم بالخلاط الكهربائي كويس لحد ما تتكون رغوه ( عشان لو مش مخلوطين كويس ممكن تسيب اثر )




ثالثا نجرب الاول بالقماشه على حته من جوه متداريه و نسيبها تنشف لو سابت اثر و بقعه ف كنبتك محتاجه معامله خاصه بجهاز التنضيف و ده نادر باذن الله و لو لا يبقى تكملي معايا و تبداي تغطسي القماشه و تمسح
رابعا لو في اي بقعه هتعمليها بالفرشا الناعمه
خامسا هتجيبي المعلقه و تكحتي هتلاقي الوساخه بتطلع شيليها و جمعيها بعيد هتطلع على هيئه رغوه متغير لونها
سادسا بالقماشه النضيف التانيه نبلها ميه و نبدا نمسح و معصوره طبعا و اللي قبلها معصوره
سابعا سيبيها تنشف و افتحي الشبابيك او هاتي مروحه و حطيها قدامها و هتبقى زي الفل
تحذيرات : 1- ما تكتريش من الميه يا دوب تغمري القماشه و تعصريها كويس
2- بصي عالسائل و المكونات لو يحتوي على nitrilotriacetic acid فبلاش منه
3- خلي بالك ما تجيبيش ميه او سائل على المناطق المعدنه في الكنبه عشان هتنسي تنضفيها و ممكن تصدي او يتغير لونها